Coronavirus
Covid-19: An saka “Lock Down” a kananan hukumomi 3 na jihar Bauchi
Gwamnatin jihar Bauchi ta sanya dokar kulle da zaman gida ta tsawon kwana goma a kananan hukumomin Katagum, da Giade da karamar hukumar Zaki domin dakile yaduwar cutar Covid-19.
Gwamnan jihar Bauchi Sanata Bala Muhammad ne ya bayyana hakan a ranar Lahadi inda yace dokar zata fara aiki daga karfe 6 na yammacin ranar Talata.
Sanata Bala Muhammad yace, an dauki wannan mataki ne ganin yadda ake samun rahotonnin yaduwar cutar a yankin wadannan kananan hukumomi.
Kazalika gwamnan yace tuni kwamitin yakar Corona na jihar sun baza komarsu domin daukar dukkan matakan da ya dace wajen dakile cutar a yankunan.
A karshe gwamna ya bada umarni ga kwamitin rabon kayan tallafin Corona na jihar karkashin sarkin Bauchi Dakta Rilwanu Sulaiman Adamu da su kai agajin gaggawa ga al’umma a yankunan da dokar kullen zata fara aiki.
Karin labarai:
Da dumi-dumi Gwamnan jihar Bauchi ya kamu da COVID-19
You must be logged in to post a comment Login