Covid-19: An takaita zirga-zirga a kasuwar kantin Kwari

Kungiyar ‘yan kasuwar kantin kwari ta sanar da cewa ta mayar da lokacin shiga kasuwar daga karfe 10 na safe, sannan a tashi karfe 5 na yamma, daga yau Laraba.

Shugaban kungiyar ‘yan kasuwar Sharif Sagir Wada shi ne ya bayyana hakan yayin zantawarsa da manema labarai, inda yace daukar matakan ya zama dole domin kaucewa annobar Coronavirus.

Sharif Sagir Wada ya ce, sun dauki tsa-ts-tsauran matakai da suka hadar rarraba abin wanke hannu a kowace kofa ta yadda duk wanda zai shigo sai ya wanke hannun sa.

Sannan kuma sun umarci dukkan ‘yan kasuwar da su tanadi abin wanke hannun, domin abokan hurdar su da kuma abin rufe baki da hanci.