Covid-19: An tsawaita hutun kotunan kasar nan

Babban Jojin tarayya Justice Tanko Muhammad ya tsawaita hutun da Kotunan kasar nan da suka tafi har sai abinda hali ya yi, a sakamakon annobar cutar Corona.

Wannan na cikin wata sanarwa da mai shari’a Tanko Muhammad ya fitar da kansa a jiya litinin, yana mai cewa karin wa’adin ya zama ya zama dole, bisa matakan da ake dauka na yaki da cutar Covid-19 a kasar nan.

LABARAI MASU ALAKA

Covid-19: An kara samun mutane 6 sun kamu a Najeriya

Covid-19: An kara samun mutane 6 sun kamu a Najeriya

Tun da fari Tanko Muhammad ya bayar da hutun makonni biyu ne da ya fara aiki a ranar 24 ga watan Maris din jiya, ya kuma kare a yau talata.

To sai dai ya ce Kotunan za su rinka zama na gaggawa idan bukatar hakan ta taso, kamar yadda doka ta ba su dama.