Connect with us

Labarai

Dalilan da zai sanya a sake yin nazarin komawa makarantu a Najeriya

Published

on

Gwamnatin Tarayya ta ce, zata sake yin nazari kan komawa makarantu da za’a yi a ranar 18 ga watan Janairun ne, kasancewar ana yawan samun karuwar masu  dauke da cutar Korona a kasar nan a kullum.

Ministan Ilimi  Malam Adamu Adamu ne ya bayyana hakan  lokacin da yake amsa tambayoyin manema labarai a ya yin zaman kwamitin shugaban kasa kan yaki da cutar Corona.

Malam Adamu Adamu ya danganta wannan matakin da gwamnati zata dauka na sake yin nazarin  komawa makarantu a kasar nan da dawowar cutar Corona a karo na biyu wanda ake fama da shi  a Najeriya a halin yanzu da ma duniya baki daya.

Jaridar Punch ta rawaito cewa, Ministan Ilimin na cewa, bude makarantu a wannan lokacin bai dace ba, la’akari da yadda adadin masu dauke da cutar ke karuwa a kullum wanda hakan ke sanya fargaba a zukantan ‘yan Najeriya.

Corona : Yau dalibai ke shiga mako na biyu da komawa makaranta a Kano

Buhari ya gargadi ‘yan Najeriya da su guji yiwa kan su gwajin Corona

Freedom Rediyo wata makaranta ce mai zaman kanta – Ambasada Sani Bala

Akan haka ne Malam Adamu Adamu ya ce gwamnati ta yanke shawarar komawa makarantun ne a  ranar 18 ga wannan wata a matsayin gwaji ko kuma manufa da aka tsara don cimma nasara.

Sai dai ya ce Gwamanati na kula da abubuwan da ke afkowa a cikin al’umma, a don haka ya zama wajibi a sake yin nazari kan komawa makarantu a Najeriya

 

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!