Covid-19: Ganduje ya amince a cigaba da sallar juma’a a Kano

Gwamnatin jihar Kano ta amince a cigaba da sallar juma’a a Kano, amma za’a cigaba da bin dokar lockdown a ranar ta juma’a.

Gwamnan Kano abdullahi Umar Ganduje ne ya amince da hakan a yayin ganawar da yayi da malaman addinai a fadar gwamnti.

Me taimakawa gwamnan Kano kan harkokin yada labarai Salihu Tanko Yakasai ya tabbatarwa da freedom radio cewa iya sallar juma’a za’a rika gudanarwa a ranar, sakamakon wasu sharudda da suka kunshi bada tazara da kuma hana cakuduwar jama’ar.

A cewar Tanko Yakasai gwamnatin Kano ta shirya rabawa masallatan takunkumin rufe fuska.