Covid-19: Mutum na 3 ya rasu sanadiyyar Corona a Jigawa

Gwamnatin jihar Jigawa tace mutum na 3 ya rasu sakamakon cutar Covid-19 a jihar.

Kwaminshinan lafiya kuma shugaban kwamatin dakile yaduwar cutar a jhar jigawa Dakta Abba Umar ne ya bayyana hakan ga manema Labarai.

Kwaminshinan ya kara da cewa mutumin daya rasu dan jihar Kano ne a cibiyar killace masu dauke da cutar dake Dutse.

Wakilinmu Muhd Aminu Umar Shuwajo ya rawaito kwaminshinan na cewa mutum 2 cikin 3 da suka rasu maza ne wadda na farko ya fito ne daga karamar hukumar Dutse sai mace guda yar karamar hukumar Miga da kuma na yanzu dan asalin jihar Kano.

Ya zuwa yanzu dai mutane 169 suka kamu da cutar a Jigawa yayin da 7 daga ciki sun warke sumul amma sallamesu.

Karin Labarai:

Za a gina cibiyar gwajin Corona a Jigawa

Almajirai 40 da Kano ta mayarwa da Jigawa na dauke da cutar Corona