Cristiano Ronaldo ya kamu da Coronavirus

Hukumar kwallon kafa ta kasar Portugal ta tabbatar da cewa Cristiano Ronaldo ya kamu da cutar Corona.

Hukumar ta bayyana haka ne a shafin ta na Internet a yau Talata, inda ta ce ba zai buga wasan da kasar zata yi da Sweden a gobe Laraba ba.

Ronaldo mai shekara 35 wanda ya samu lashe kyautar Ballon d’Or har sau biyar, ya buga wa kasar sa ta Portugal wasan ta da Faransa a ranar Lahadin data gabata.

Hukumar ta kuma ce, “Bayan gwajin ‘yan wasan da aka yi a safiyar yau Talata, an samu Ronaldo dauke da cutar amma dukkanin sauran ‘yan wasan na cikin koshin lafiya”.