Cutar corona samfarin ‘Delta’ mai saurin kisa ta ɓulla a Najeriya – NCDC

Cibiyar daƙile yaɗuwar cututtuka ta ƙasa (NCDC) ta ce an samu ɓullar nau’in cutar corona samfarin ‘Delta’ mai wuyar sha’ani a ƙasar nan.

Shugaban sashen hulɗa da manema labarai na cibiyar Dr Yahaya Ɗisu shine ya bayyana haka ta cikin wata sanarwa da cibiyar ta fitar mai ɗauke da sa hannunsa.

Sanarwar ta ce wanda aka same shi ɗauke da cutar ta covid-19 samfarin Delta, matafiyi ne kuma yanzu haka an killa ce shi  a Abuja.

Hukumar lafiya ta duniya WHO dai ta bayyana kwayar cutar corona samfarin Delta a matsayin mai wuyar sha’ani wadda kuma ke saurin yaɗuwa kamar wutar daji.