Da ɗumi-ɗumi: Ganduje ya bai wa ƴan makaranta hutun sallah

Gwamnatin jihar Kano ta bai wa ɗaliban makaranta hutun bikin ƙaramar sallah.

Hakan na cikin wata sanarwa da babban mai taimakawa Gwamnan Kano kan harkokin ilimi Jilani Almustapha Ɗanmalam ya fitar a ranar Juma’a.

Sanarwar ta ce, hutun zai fara daga ranar Talata 11 ga watan Mayu da muke ciki zuwa Litinin 17 ga watan.

Ɗaliban makarantun kwana za su koma a ranar Lahadi 16 ga wata, yayin da na jeka ka dawo kuma za su koma a ranar 17 ga wata.

Sanarwar ta ja hankulan iyayen yara kan su tabbatar ɗalibai sun koma makarantu a ranakun da aka sanya.