Da ɗumi-ɗumi: Majalisar dokokin Kano ta Sahale kasafin baɗi

Majalisar dokokin jihar Kano, ta sahale ƙudurin dokar kasafin kuɗin baɗi na fiye da Naira biliyan 437 i zuwa doka.

Ƙudurin kasafin, ya samu wannan nasara ne a zaman majalisar na yau Laraba ƙarƙashin jagorancin shugaban majalisar Alhaji Jibril Isma’il Falgore.

Da ya ke yin ƙarin haske kan sahale kasafin, shugaban masu rinjaye na majalisar Alhaji Lawan Hussaini Chediyar ƴan Gurasa, ya bayyana cewa, jimillar kasafin ya kai kimanin naira biliyan ɗari huɗu da talatin da bakwai da miliyan ɗari uku da talatin da takwas da dubu ɗari uku da sha biyu da naira ɗari bakwai da tamanin da bakwai da kwabo goma sha tara.

Haka kuma ya ƙara da cewa, ”Kimanin kaso sittin da shida na kasafin an ware su ne wajen gudanar da manyan ayyuka, yayin da aka ware kaso talatin da hudu wajen tafiyar da ayyukan gwamnati.”