Da ɗumi-ɗumi: Za a dawo da zirga-zirgar jiragen ƙasa – NRC

Hukumar kula da zirga-zirgar jiragen ƙasa ta ƙasar nan ta sanar da sake dawo da zirga-zirgar jiragen daga Abuja zuwa Kaduna.

Wannan na zuwa ne awanni 24 bayan wani hari da aka kai wa wani jirgin ƙasa a ranar Alhamis akan hanyar sa ta zuwa Kaduna daga Abuja.

Bayanin hakan na cikin wata sanarwa da hukumar ta fitar ranar Juma’a.

Cikin sanarwar hukumar na sanar da jama’a, musamman fasinjojin da ke bin hanyoyin cewa a za ci gaba da jigilar su gobe, ranar Asabar 23 ga Oktoban 2021.

Tuni dai hukumar ta bayyana rashin jin daɗin ta kan harin da aka kai wa jiragen ƙasa har sau biyu a jere.