Freedom Radio Nigeria

Freedom Radio Nigeria

Coronavirus

Da alama an kama hanyar Rayuwa bayan Corona a Jigawa

Published

on

Rayuwa da corona wani darasi ne babba kuma mai zaman kansa lura da tarin kalubalen da al’umma suka shiga, sakamakon dokar zaman gida da kuma takaita zirga-zirga wadda hakan babbar kishiya ce ga duk wata hada-hadar kasuwanci da sufuri.

A jjhar Jigawa dai yanzu an shiga mako na biyu da bude ko ina da ina domin kuwa babu koda gari guda dake karkashin dokar kulle a jihar, wadda hakan ke da nasaba da samun saukin sabbin masu kamuwa da Corona a jihar baki daya.

Mutane sun shafe makonni ba tare da zuwa Kasuwa ko samun damar yawo ba, yayin da su ma ma’aikata gwamnatin jihar ta sanar da kara tsawaita musu dokar yin aiki daga gida.

Shin ko yaya rayuwa take a bangaren al’ummar gari bayan dage dokar lockdown.

Wasu al’ummar Jigawa da Freedom Radio ta zanta dasu sun ce har yanzu al’amuran basu dawo yadda yakamata ba kamar yadda aka saba kafin bullar cutar Corona.

Malam Nura Muhammad wani matashi ne kuma magidanci yace duk da har yanzu gari bai ware ba amma fa baza a kwatanta da baya ba, domin a baya ba a samun damar fitowa yanzu kuma akan fita a nemi na kalaci.

Al’ummar jihar ta Jigawa sun yi fatan samun dauki daga gurin mahukunta sakamakon halin da kana nan yan kasuwa suka shiga sanadiyyar zaman gida saboda Corona da akayi a baya.

Click to comment

You must be logged in to post a comment Login

Leave a ReplyCancel reply

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv
error: Content is protected !!