Da dumi-dumi: Mutane 14 ciki har da kananan yara sun kone kurmus a hatsarin mota

Mutane goma sha hudu (14) ciki har da kananan yara 3 sun kone kurmus sakamakon hatsarin mota da ya faru a titin Ibadan zuwa Lagos

Rahotanni sun ce hatsarin ya ritsa ne da wata mota kirar Toyota RAV 4 mai lamba LND 13 GS da kuma wata motar itama kirar Toyota Camry mai lamba GGE 369 GJ da kuma wata motar safa kirar Mazda.

Kuma hatsarin ya faru ne da misalin karfe goma da mintuna ashirin na daren jiya

Mai magana da yawun hukumar kiyaye abkuwar hadurra ta jihar Lagos Babatunde Akinbiyi ya tabbatar da faruwar lamarin.