Freedom Radio Nigeria

Freedom Radio Nigeria

Labarai

Mutane 30 sun rasu a hatsarin mota a hanyar Kano zuwa Zaria

Published

on

Kimanin mutane talatin ne suka rasu, tare da jikkatar goma sha biyu, a wani hatsarin mota da ya afku a hanyar Kano zuwa Zaria.

Babban jami’in hukumar kiyaye afkuwar haɗura ta ƙasa FRSC shiyyar Zaria, ACC Abdurrahman Yakasai ne ya tabbatar ga hakan ga Freedom Radio.

Ya ce, hatsarin ya afku ne da yammacin ranar, Alhamis a daidai garin Tashar Musa da ke ƙaramar hukumar Maƙarfi ta jihar Kaduna.

Motocin da hatsarin ya rutsa da su sun haɗar da Hummer Bos ƙirar Toyota mai ɗaukar mutane 18, da kuma wata motar Volkswagen saloon a cewarsa.

Mutane 30 sun rasu a hatsarin mota a hanyar Kano zuwa Zaria

Mutane 30 sun rasu a hatsarin mota a hanyar Kano zuwa Zaria

AAC Abdurrahman Yakasai, ya ce hatsarin ya faru ne sakamakon gudin wuce ƙima da ƙoƙarin wuce na gaba da direbobin ke yi, ba tare da la’akari da sauran matafiya ba.

Sai dai ya ce, basu iya tantance lambobin motocin ba saboda ƙonewar da suka yi, amma suna ci gaba da bincike.

Wakilin Freedom Radio Hassan Ibrahim Zariya ya rawaito cewa, tuni aka garzaya da gawarwakin da waɗanda suka jikkata zuwa asibitin koyarwa na jami’ar Ahmadu Bello.

Mutane 30 sun rasu a hatsarin mota a hanyar Kano zuwa Zaria

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv
error: Content is protected !!