Da dumi-dumi: Shekarau ya fice daga NNPP zuwa PDP

Sanatan Kano ta tsakiya Malam Ibrahim Shekarau ya fice daga jam’iyyar NNPP zuwa Jam’iyyar PDP.

Malam Shekarau wanda  tsohon gwamnan ne ya bayyana ficewar ta sa, yayin wani taro na musamman da ya gudanar a gidan sa dake mundubawa yau Litini.

Tuni dai Malam Ibrahim Shekarau din ya samu tarba daga dan takarar shugabancin kasar nan a jam’iyyar ta PDP Alhaji Atiku Abubakar wanda ya zo Kano domin karbarsa.

Da yake yi masa maraba a jam’iyyar, Atiku Abubakar ya ce, shigowar yan siyasa irin su Shekarau a jam’iyya babbarb nasara ce da kuma ci gaban jam’iyyar.

Idan za a iya tunawa dai Malam Ibrahim Shekarau bai dade da yiwa jam’iyyar NNPP mubaya’a ba, sai kuma ya sake sauya sheka zuwa PDP sakamakon abin ya kira rashin adalci a jam’iyyar NNPP.