Daga kasuwar musayen ‘yan wasa a nahiyar turai

Kungiyar Kwallon kafa ta Inter Milan , na son zaman dan wasan gaban ta Lautaro Martinez , wanda Barcelona ke zawarci.

Martinez dan kasar Argentina, Barcelona na neman sa don mai da gurbin Luis Suarez , sai dai Inter Milan taki yarda a dai daita sakamakon son zaman dan wasan a kungiyar, kamar yadda Jaridar Sky Sport Italia ta ruwaito.

Haka zalika jaridar Calciomercato , ta ruwaito cewar Inter Milan, na son daukar dan wasan Real Madrid mai wasa a kungiyar Borussia Dortmund dan kasar Morocco Achraf Hakimi, sai dai zata fuskanci kalubale daga PSG, Bayern Munich da Chelsea.

Jaridar the Times , ta ambato cewar Chelsea na shirin sai da dan wasan tsakiyar ta dan kasar Faransa Ngolo Kante , don samun kudin cefanen ‘yan wasa, inda ake sa ran cewar Real Madrid na kan gaba wajen zawarcin dan wasan.Chelsea dai na son daukar ‘yan wasa Kai Harvetz da Ben Chilwell daga kungiyoyin Leverkusen da Leicester City .

Abinda ya sa Ganduje ya haramta yin goyo a babur

Rahoto : Nazari kan wasanni na gida tana ketare

Napoli kuma ta cimma matsaya da dan wasan baya dan kasar Brazil Gabriel Magalheas , kamar yadda jaridar Footmercato ta ruwaito ,sai dai dan wasan ana alakanta shi da Everton da Tottenham .

Ya yinda Sky Sport Italiya ta ruwaito ta hannun fitaccen dan jaridar nan Gianluca Di Marzio, kungiyoyin Fiorentina da Everton na gogayya da Ac Milan wajen daukar mai tsaron baya Thiago Silva, da zai bar PSG.

Kungiyar Ac Milan , ta sanar dacewa , mai yiwuwa dan wasa Naby Keita , ya koma kungiyar daga Liverpool.

Jaridar Telegraph, ta ruwaito cewar kungiyar Bayern Munich na shirin sai da dan wasa David Alaba, wanda hakan ya sa kungiyoyin Liverpool , Manchester City da PSG zama cikin shirin ko ta kwana.