Dalilan da suka sanya Buk ta musanta bullar cutar Corona

Jami’ar Bayero dake nan Kano, ta musanta labarin da ke cewa an samu bullar cutar Corona a makarantar.

Hakan na cikin wata sanarwa da Jami’ar ta fitar, a jiya wanda ke cewa babu kanshin gaskiya cikin zargin.

Sanarwar mai dauke da sa hannun wani jami’I a ofishin yada labarai na jami’ar ta Bayero Malam Lamara Garba, ta ce, babu wani lamari da ke kama da haka da ya faru a jami’ar.

Tun farko dai jami’ar ta Bayero ta umarci dalibanta a ranar juma’ar da ta gabata da su koma gida sakamakon umarnin da gwamnatin tarayya ta bayar don dakile yaduwar cutar Corona.

Inda kuma jami’ar kai kira ga al’umma da su kaucewa duk wani labara da ka iya fita, idan ba jami’ar ce ta sanar da shi ba