Dalilan da suka sanya Burtaniya zata tallafawa Najeriya da abinci

Kasar Burtaniya ta ce ta fitar da Yiro miliyon bakwai ga al’ummar Najeriya domin samar da abinci mai gina jiki da ruwan sha mai tsafta da muhalli mai kyau ga marasa karfi.

Haka zalika kasar ta Burtaniya ta ce ta fitar da karin fam miliyan arba’in da bakwai na tallafi ga mutanan da basu dashi a kasashe guda tara dake fadin Duniya.

Tallafin dai ana saran zai isa ga mutum dubu dari hudu da talatin na ‘yan Najeriya a shekarar da muka shiga ta 2021.
Hakan dai na cikin wata sanarwa da mataimakin babban jami’in kasar Burtaniya a jihar Legas ya fitar a jiya Alhamis.

Sanarwar ta ce kasar ta Burtaniya na neman masu hannu da shuni na kasa da kasa da su samar da karin kudaden wajen dan tallafawa kasashen da ke cikin kangin talauci.