Dan wasan Najeriya Chidozie Awaziem ya koma buga wasa a kasar Turkiya

Dan wasan bayan Najeriya  Chidozie Awaziem, ya koma kungiyar Aytemiz Alanyaspor da ke buga gasar Super Lig ta kasar Turkiya.

Awaziem ya koma kungiyar ne a matsayin aro daga Boavista ta kasar Portugal a makon da muke ciki.

Shugaban kungiyar   Hasan Çavuşoğlu ya nuna farin cikinsa da sauyin shekar dan wasa Awaziem

Dan wasan dai na guda daga cikin ‘yan wasan da suka fafatawa Najeriya a wasannin share fagen shiga gasar cin kofin Duniya da za’a gudanar a kasar Qatar a shekarar 2022, a wasan da Najeriya ta doke kasar Cape Varde da ci 2-1 da kuma na Liberia da itama ta doketa da ci 2-1.