Doke Real Madrid ya sanya muna fatan lashe La Liga-Xavi

Mai horar da kungiyar kwallon kafa ta Barcelona Xavi Hernandez, ya bayyana tawagarsa a shirye take na lashe gasar La Liga3 biyo bayan doke
Real Madrid da tai har gida da ci 4-0 a ranar Lahadi.

‘Yan wasa Pierre-Emerick Aubameyang da Ronald Araujo da kuma Ferran Torres ne suka zura kwallayen.

Wanda hakan ya sanya Barcelona doke Real Madrid a karon farko tin shekarar 2020.

Inda a gefe guda Real Madrid ta bawa Barcelona ta zarar maki 12 da wasanni 10 suka rage a kammala kakar wasannin shekarar da muke ciki.

Kafin fara aikin horar da tawagar da yayi Xavi, Barcelona na mataki na tara, wanda kawo yanzu ta koma mataki na uku bayan doke Real Madrid a wasan hamayya na El Clasico.

“Matuka wasan da mukai ya zo da sabon salo, musamman yadda muka jajirce na ganin munyi nasara”

“Sai dai nasarar ta sanya muna yunkuri da kuma fatan lashe gasar ta La Liga da wasanni kadan ne suka rage a kamalla,” a cewar Xavi.

Bayan yunkurin lashe gasar da Barcelona dai keyi, na fatan kasancewa cikin kungiyoyin da zasu wakilci kasar Spain a gasar cin kofin zakarun turai a kakar wasanni mai zuwa.