Dole ne a rage farashin siminti a Najeriya – Majalisar Dattijai

Majalisar dattijai ta nemi gwamnatin tarayya da ta yi duk mai yiwuwa wajen ganin an rage farashin siminti a kasar nan.

Wannan na zuwa ne a lokaci guda da farashin siminti ya yi tashin gwauron zabi lamarin da wasu al’ummar Najeriya ke zargin kamfanonin sarrafa siminti da kara farashin da gangan.

A cewar majalisar za ta samar da wani kudiri da zai taimaka wajen saukar da farashin simintin musamman ta bangaren shawartar gwamnati da ta rage haraji ga kamfanonin cikin gida da ke sarrafa simintin.

Tun farko dai dan majalisar dattawa Ashiru Oyetola Yisa ne ya gabatar da kudirin yayin zaman majalisar