DSS ta nemi haɗin kan ƴan soshiyal midiya a Kano

Hukumar tsaron farin kaya ta ƙasa DSS ta nemi haɗin kan masu amfani da kafafen sada zumunta don tabbatar da zaman lafiya a Kano.

Daraktan hukumar a nan Kano Alhassan Muhammad ne ya bayyana hakan yayin ganawarsa da jagororin masu amfani da kafafen a ranar Juma’a.

Shugaban hukumar tace finafinai ta Kano Isma’ila Na’Abba Afakallah shi ne ya jagoranci ɓangaren ƴan soshiyal midiya a yayin ganawar.

Masu amfani da kafafen sun yi alƙawarin bada haɗin kai ga hukumar domin tabbatar da zaman lafiya a Kano.

Mahalartan sun haɗa ƴan soshiyal midiya na ɓangarorin siyasa dana addini da sauransu.

Ku kasance da shirin mu na Mu Leka Mu Gano da karfe 7 na dare, domin jin cikakken labarin yadda ganawar ta kasance.