Dukkan wanda za’a nada a kunshin sabuwar gwamnati sai ya bayyana kadarorinsa

Sabon zababben gwamnan jihar Kano Engineer Abba Kabir Yusuf ya sha alwashin cewa, dukkan wanda za’a nada a kunshin gwamnatin sa ya zama wajibi ya bayyana kadarorin sa, kafin a bashi mukami.

Sakataren yada labaran zababbiyar gwamnatin ta jihar Kano Malam Sunusi Bature Dawakin Tofa ne ya bayyana hakan ta cikin wani sakon murya da ya aiko wa Freedom Radio a daren jiya Juma’a.

Ta cikin sakon Dawakin Tofa yace sabon zababben Gwamnan ya yi haka ne domin tabbatar da an yi biyayya ga kundin tsarin mulkin kasar nan, da yai umarnin cewa duk wanda za’a nada wani mukamin gwamnati ya zama wajibi ya bayyana kadarorin sa.

Rahoton: Abdulkadir Haladu Kiyawa