Labarai
EDO 2020: Akwai yiwuwar sauya mai masaukin baki – MYSD
![](https://freedomradionig.com/wp-content/uploads/2021/03/Sunday-Dare.jpg)
Ma’aikatar matasa da wasanni ta kasa ta fara yunkurin amfani da Abuja a matsayin mai masaukin baki a gasar bikin kakar wasanni ta 2020.
Tunda da fari dai anyi niyyar gudanar da gasar ne da akayi ta dagewa sakamakon bullar cutar Corona da kuma matsalar karancin kudade a jihar Edo.
Za a fara gasar a ranar 2 ga watan Afirilu kuma a karkare ranar 14 ga watan na Afirilun 2021.
Ministan matasa da wasanni Sunday Dare, ya ce, ya rubuta wa gwamnatin tarayya takarda don ta baiwa jihar Edo tallafin kudi da zata alkinta wajen gudanar da gasar yayin da jihar ke kokawa kan matsalar karanci kudi.
Jaridar Punch ta ruwaito cewa, wani mutun a ma’aikatar wasannin ta kasa wanda ya nemi a sakaya sunansa, ya ce, ma’aikatar ta fara yunkurin maye gurbin jihar ta Edo da Abuja a matsayin inda za a gudanar da gasar.
You must be logged in to post a comment Login