EFCC na neman matar Godwin Emefiele ruwa a Jallo

Hukumar dake yaki da yiwa tattalin arzikin kasa ta’annati ta EFCC ta ce tana neman mai dakin tsohon gwamnan babban bankin Nigeria CBN Godwin Emefiele tare da Karin wasu mutane uku ruwa a jallo.

Ta cikin wata sanarwa da hukumar ta fitar ta ce ta ayyana neman su ruwa a jallon ne bisa zargin su da hada baki da tsohon gwamnan babban bankin wajen karkatar da akalar wasu makudan kudade mallakin gwamnatin tarayya.

Rahotanni dai na bayyana cewa tun bayan Kama Emefiele tare da gurfanar dashi a gaban kotu ne uwargidan nasa ta yi batan dabo.

Rahoton: Mukhtar Abdullahi Birnin Kudu