El-rufa’i ya gargaɗi Kad Poly kan shirin buɗe makaranta

Gwamnatin jihar Kaduna ta gargaɗi Kwalejin Fasaha ta jihar kan shirin buɗe makarantu a ranar Litinin.

Gwamnatin ta dakatar da Kwalejin daga duk wani shirye-shirye na komawa makaranta a yanzu.

Hakan na cikin wata sanarwa da ma’aikatar ilimin jihar ta fitar, mai ɗauke da sa hannun Babban Sakataren ma’aikatar Phoebe Sukai Yayi.

Sanarwar ta ce, ta ce, shirin da makarantar ke yi ka buɗe makaranta a ranar Litinin 18 bai dace ba.

A cewar ta, ya saɓa da umarnin da gwamnatin jihar ta bayar na rufe makarantun gwamnati da masu zaman kansu, sakamakon sake ɓarkewar annobar Kobid-19.