FRSC zatayi aiki kafada da kafada da KAROTA

Hukumar kiyaye afkuwar hadura ta Nijeriya tace ‘zatayi aiki kafaɗa da kafaɗa da hukumar kula da zirga-zirga ababen hawa ta jihar Kano KAROTA,domin tsaftace harkar tuki a fadin jihar nan’.

Kwamandan hukumar kiyaye afkuwar hadura ta kasa reshen jihar Kano Ibrahim Abdullahi ne ya bayyana hakan lokacin da ya karbi bakuncin shugaban hukumar KAROTA Faisal Mahmud Kabir da jami’ansa suka kai masa ziyara a Ofishin sa.

Abdullahi yace ‘hadin gwiwar zai kara tabbatar da bin dokokin tuki, domin tsaftace bangaren sufuri a fadin jihar Kano’.