Ganduje ya gabatarwa majalisar dokoki sunan shugaban hukumar kula da ayyukan majalisar don tantancewa

Gwamnan Kano Dakta Abdullahi Umar Ganduje, ya mika sunayen shugaba da mambobin hukumar gudanar da ayyukan majalisar ga majalisar dokokin jihar don tabbatar da su.

Sakataren yada Labaran Gwamnan, Abba Anwar, ne ya tabbatar da haka ta cikin wata sanarwa da ya fitar jiya.

Sunayen wadanda aka tura sun hadar da Nasiru Mu’azu Kiru matsayin Shugaba, mambobin sun hadar da Ishaq Tanko Dala da Ali Abdu Doguwa, da Salisu Abubakar Makoda, sai Isyaku Umar Mahmud Rurum, da kuma Ladan Sabo Ahmad Sumaila.

Sauran sun hadar da Gambo Ibrahim Mai Wada, da Ukashatu Bello Danbatta, sai Naziru Zakari Kumbotso da kuma Sule Musa Adnan Warawa.