Connect with us

Coronavirus

Gwamna Badaru ya dinkawa Almajirai kayan sallah

Published

on

Gwamnatin jihar Jigawa ta dinkawa Almajirai ‘yan asalin jihar da gwamnatoci wasu jihohi suka mayar mata dasu kayan sallah.

Kwamishinan lafiya na jihar Jigawa Dr. Abba Zakari ne ya bayyana hakan a zantawarsa da wakilinmu Aminu Umar Shuwajo.

Dr. Abba ya ce sun yiwa almajiran gwajin cutar Corona wanda sakamakonsa ya nuna wasu na dauke da cutar, wadanda yanzu haka na cigaba da samun kulawa a cibiyar killace masu cutar Corona dake Jigawa.

Karin labarai:

Ma’aikatan lafiya sun kamu da Corona a Jigawa

Mutum na farko da ya kamu da Corona ya isa jihar Jigawa

Har ila yau kwamishinan ya ce yanzu haka tuni suka fara mayar da sauran almajiran da aka samu basu da cutar Covid-19 zuwa hannun iyayensu, bayan sun dinka musu kayan sallah da kuma tukwicin naira dubu goma-goma kowannensu.

Wannan dai na zuwa ne a yayin da gwamnatocin jihohi ke cigaba da mayar da almajiran dake bara a jihohinsu zuwa garuruwansu na asali.

Wakilin Freedom Radio a Jigawa Aminu Umar Shuwajo ya rawaito mana cewa gwamnan jihar ta Jigawa Alhaji Muhammad Badaru Abubakar yayi alkawarin cewa ba zai mayar da almajiran da ba ‘yan asalin jihar sa ba, dake zaune a jihar har sai bayan wucewar annobar Covid-19.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!