Gwamnati ba ta karɓi tuban Abduljabbar ba – inji Baba Impossible

Gwamnatin jihar Kano ta ce, ba ta karɓi tuban Malam Abduljabbar Kabara ba.

Kwamishinan al’amuran addini na jihar Dr. Tahar Adamu Baba Impossible ne ya bayyana hakan ga Freedom Radio.

Kwamishinan ya ce, tuban da yayi bai cika sharuɗan tuba ba, saboda haka Gwamnati zata yi hukunci kan sakamakon da ya bayyana a gare ta.

A ranar Asabar ne, aka gabatar da Muƙabala tsakanin Malaman Kano da malamin kan kalaman da ya riƙa furtawa.

Sai dai malamin ya sanar da cewa, ya janye kalaman, kwana guda bayan muƙabalar.