Hisba:Mun karbi tuban Sadiya Haruna

Hukumar hisba ta jihar Kano ta ce ta karbi tuban Sadiya Haruna, sakamakon kalaman batsa da ta ke yi a shafukanta na sada zumunta.

Babban kwamandan Hisbar Dakta Harun Ibn Sina ne ya bayyana hakan bayan kammala shirin “Barka da Hantsi”.

Ya ce”Mun karbi tuban na ta ne domin yadda ta bayyana hukumar a matsayin wacce ta taimaka mata domin gyaran addininta”.

“Sannan kuma zamuci gaba da bibiyar ta da ma sauran wadanda suke gudanar da irin wadannan laifuka”

Idan za a iya tunawa a makwan da ya gabata ne hukumar Hisba ta kama Sadiya Haruna da laifin kalaman batsa da ta ke yi a shafukanta da sunan yin talla.