Addini
Gwamnati bata shirya gyara harkar Almajirci a Kano ba – Alhaji Inuwa
![](https://freedomradionig.com/wp-content/uploads/2021/03/937c46bd-1219-4ac2-adbf-96f731bedb40.jpg)
Cibiyar da ke nazari kan rayuwar almajirai mai suna 2030 ta zargi gwamnatin Kano kan rashin samar da inganta harkar almajirci a jihar.
A cewar cibiyar harkar almajirci ta sauya salo a yanzu, sakamakon yadda ake ganin shigowar sabbin abubuwan da babu su a harkar almajirci a baya.
Shugaban cibiyar a nan kano Alhaji Inuwa Ahmad ne ya bayyana hakan jim kadan bayan kammala shirin “Barka da Hantsi” na nan tashar Freedom radio da shirin ya mayar da hankali kan yadda a ke samun yawaitar almajirai a yanzu.
Alhaji Inuwa Ahmad yace, har yanzu gwamnatai bata shirya gyara bangaren ba.
“Da alama har yanzu gwamnati bata shirya kakkabe harkar almajirci a kasar nan ba, ko kuma fito da ingantattun tsari da za su kyautata harkar anan Kano”.
You must be logged in to post a comment Login