Gwamnati duk inda ta haska fitila, dole wannan abin ya tabbata- Musa Iliyasu Kwankwaso

Yayin da kwanaki biyu ne suka rage a gudanar da zaɓen shugaban jam’iyya APC a matakin jiha a nan Kano, kwamishinan raya karkara da ci gaban al’umma Musa Ilyasu Kwankwaso ya bayyana matsayar sa a kai.

Ta cikin wata zantawa da yayi da ƴan jarida a jiya Laraba kwamishinan yace dama ana zaɓen ne kawai amma duk abin da Gwamna yace shi ke kasancewa.

Musa Iliyasu Kwankwaso ya bayyana cewa “anyi irin wannan gwagwarmaya na shugabancin jam’iyya a lokacin gwamnatin Malam Ibrahim Shekarau”
Ya kuma ƙara da cewa tunda akwai ra’ayi “Gwamnati duk inda ta haska fitila, dole wannan abin ya tabbata”