Gwamnati za ta gurfanar da mutane 634 da suka bautar da kananan yara

Gwamnatin tarayya za ta gurfanar da mutane 634 da take zargi da azabtar da kananan yara tsakanin shekarar 2018 zuwa 2019.

Ministan kwadago da nagartar aiki Dr Chris Ngige ne ya bayyana hakan a yayin taron karawa juna sani a Abuja.

Taron wanda ya mayar da hankali kan horar da kafafen yada labarai kan rahoton safarar kananan yara, tare da neman shawara don dakile azabtar da kananan yara.

Cikin wata sanarwa da mai magana da yawun ma’aikatar kwadago ta tarayya Charles Akpan ya fitar na bayyana cewa, ma’aikatar ta samu nasarori wajen kubutar da kananan yara a sassa daban-daban.