Gwamna Abba Gida-gida ya sauke Ogan ɓoye da kwamishinan ƙasa

Gwamnatin jihar Kano, ta nesanta kanta da kalaman Kwamishinan ƙasa na jihar da kuma mai bai wa gwamna Abba Kabir Yusuf, shawara fannin al’amuran matasa Yusuf Imam da ake wa laƙabi da Ogan ɓoye,

Jami’an gwamnatin biyu dai gabanin saukewa daga muƙaman nasu sun yi maganganu kan shari’ar da ake yi ta zaɓen gwamnan jihar.

Kwamishinan yaɗa Labarai na jihar Baba Halilu Dantiye, ne ya sanar sanar da hakan a daren yau Juma’a ya ce, kalaman da jami’an nasu suka yi ba da yawun gwamnati su ka yi su ba.

Kwamishinan ya ce, gwamnatin ta kuma sauke su daga muƙamansu nan take.