Gwamnatin Ganduje za ta tallafa wa yan kasuwannin Singa da Kurmi

Gwamnatin jihar Kano ta yi alkawarin tallafa wa wadanda iftila’in gobara a kasuwannin Singa da Kurmi domin rage musu radadi.

Gwamnan Dakta Abdullahi Umar Ganduje, ne ya bayyana hakan lokacin da ya ziyarci kasuwannin domin jajanta musu a Talatar makonnan.

Haka kuma, Gwamna Ganduje, ya shawarci ‘yan kasuwar da su kauce wa yin amfani da duk wani abu da ka iya jawo sanadiyar tashin gobara.

Wakilinmu a fadar gwamnatin Kano Abba Isah Muhammad, ya ruwaito cewa, gwamnan ya kuma yaba da irin kokarin da hukumar kashe gobara da Jami’an tsaro suka yi wajen shawo kan wutar cikin.