Gwamnatin Jihar Gombe ta amince da sauke wasu daga ciki masu rike da mukaman siyasa

Gwamnan jihar Gombe Muhammad Inuwa Yahaya ya amince da a sauke dukkanin masu rike da mukaman siyasa a jihar daga jiya juma’a.

Babban daraktan yada Labaran gwamnatin jihar Ismaila Uba Misilli, ne ya bayyana hakan ta cikin wata sanarwa da ya fitar a jiya juma’a.

Sanarwar tace ‘saukewar bata shafi shugabannin riko na kananan hukumomi ba, saboda haka za su ci gaba da rike mukamansu har zuwa karewar wa’adinsu a ranar 19 ga watan Yuni mai zuwa’.

Kazalika Gwamna Inuwa Yahaya ya kuma amince da murabus din shugaban ma’aikatan jihar Gombe Alhaji Bappayo Yahaya, inda ya amince da nadin babban sakatare ga Gwamna Ahmed Kasimu Abdullahi a matsayin mukaddashin shugaban ma’aikatan gwamnatin jihar’.

Rahoton: Abdulkadir Haladu Kiyawa