Gwamnatin jihar Lagos ta sanya dokar takaita zirga-zirgar manyan motoci

Gwamnatin Jihar Lagos ta sanar da sanya dokar takaita zirga-zirgar manyan motocin dakon mai a fadin Jihar, tare da alkawarin ware musu da na su titin da za su rika bi.

Hakan dai ya biyo bayan mummunan hadarin da ya faru a gadar Otedola da ke kan hanyar Lagos zuwa Badin a ranar Alhamis din da ta gabata, wanda ya yi sanadiyyar asarar rayuka da dukiyoyin al’umma.

Kwamishinan Sufuri na Jihar Ladi Lawanson ne ya bayyana hakan a wani taron masu ruwa da tsaki da ya gudana wanda ya hadar da kungiyar masu dakon mai da iskar gas ta kasa NUPENG, da kungiyar direbobin tanka, da sauransu.

Haka zalika gwamnatin Jihar ta kuma ce duk wani direban tankar da zai shiga birnin wajibi ne ya nemi izini daga ma’aikatar Sufuri ta Jihar kwanaki 30 kafin shigowarsa