Gwamnatin Tarayya ta fitar da fiye da Biliyan 38 don inganta jami’o’i

Gwamnatin Tarayya ta fitar da naira biliyan 38 da miliyan 93 domin inganta jami’o’i da sauran manyan makarantun gwamnati 166 a faɗin Najeriya.

A cikin wata sanarwa da Ma’aikatar Kuɗi ta Tarayya ta bayyana cewa tallafin zai shafi jami’o’i 79, kwalejojin kimiyya da fasaha 46, da kuma kwalejojin horas da malamai 41.

Bayanin ma’aikatar ya nuna cewa jami’o’i za su samu naira biliyan 28.5, yayin da kwalejojin kimiyya da fasaha za su samu biliyan 5.8, sannan kwalejojin horas da malamai za su samu biliyan 4.7.

Gwamnatin ta ce an fitar da kuɗaɗen ne domin magance ƙarancin kayayyakin more rayuwa da inganta wuraren koyarwa, tare da cika wasu yarjejeniyoyin da ta cimma da Ƙungiyar Malaman Jami’o’i ta Najeriya ASUU.