Gwamnatin tarayya ta mayar da shalkwatar FAAN zuwa Lagos

Gwamnatin ta bayyan cewa za ta mayar da shalkwatar hukumar kula da filayen jiragen sama ta FAAN zuwa jihar Lagos.

Wamnan Mataki na ƙunshe ne ta cikin wata sanarwa da babbar daraktar hukumar Misis Olubunmi Kuku ta fitar.

Sanarwar ta ce, Ministan kula da sufurin jiragen sama ne ya bayar da umarnin ɗauke shalkwatar hukumar ta daga Abuja babban birnin tarayya zuwa Legas ɗin.

Wannan matakin dai na zuwa ne yayin da a farkon makonnan Babban Bankin ƙasa CBN ya sanar da ɗaukar matakin mayar da wasu sassan bankin zuwa birnin na Legas.