Har yanzu Gwamnati ba ta bada kuɗaɗen gudanar da gasar wasanni ta ƙasa ba – Musa Ebomhiana

Kwamitin shirye-shiryen gasar bikin kakar wasanni ta 2020, ya ce, kawo yanzu gwamnatin tarayya bata fitar da kudaden da tayi alkawarin baiwa jihar Edo don gudanar da bikin.

Shugaban gudanarwa kwamitin, Musa Ebomhiana ne ya bayyana hakan a birnin Benin dake jihar ta Edo.

Ya kuma ce, yayin da ya rage kwanaki kalilan a fara gudanar da gasar, izuwa yanzu gwamnatin bata saki kudaden ba.

“Duk da cewa gwamnatin jihar Edo na kyautata tsammanin za a fitar da kudaden amma da an fitar da kudaden a cikin lokaci da yafi dacewa,” a cewar Ebomhiana.

Haka kuma, ya ce, “biyan kudin akan lokaci zai taimaka wajen yin kyakkyawan shirye-shirye don gudanar da bikin a tsanaki.”