Hukumar INEC ta fara daukar ma’aikatan wucin gadi gabanin fara baban zabe

Hukumar zabe mai zaman kanta ta kasa INEC ta fara daukar ma’aikatan wucin gadi gabanin fara babban zabe da za’a yi ranar 16 ga watan Fabareru.

Wannan na kunshi cikin sanarwar da hukumar ta fitar a shafin ta na Twitter cewa zata dauki ma’aikatan wucin gadi da ya kama daga jami’an sanya idanu da masu kula da tantance kuri’u da mataimakan baturan zaben da dai sauran su.

 A cewar, sanarwar hukumar ta INEC ta bude shafin ta daga jiya Talata don baiwa masu sha’awar aikin neman aikin, a yayin da zata rufe shafin a ranar  Litinin 21 ga watan nan da muke ciki da misali karfe 8 na safe.