Hukumar kwallon kafa ta FIFA ta kara wa’adin dakatarwa ga Yves Jean-Bart

Hukumar kwallon kafa ta Duniya FIFA, ta Kara wa’adin watanni uku kan dakatarwar da taiwa shugaban hukumar kwallon kafa ta kasar Haiti, Yves Jean-Bart, kan zargin da ake masa na yiwa Yar wasan kwallon kafar Mata ta kasar Fyade a sansanin daukan horon su.

Tun a ranar 25 ga watan mayun Daya gabata ne dai hukumar ta FIFA ta dakatar dashi daga shiga dukkanin wasu al’amuran wasanni na tsawon watanni uku inda yanzu lokacin ya cika hakan kuma ya sanya ta Kara wasu watanni ukun don ci gaba da gudanar da Bincike.

Sai dai Yves Jean-Bart tun a wancen lokacin ya musanta zargin da ake Masa na aikata lalata da yarwasan.

Tun a wancen lokacin dai hukumar ta FIFA ta dakatar da Mr. Jean-Bart daga shiga dukkanin wasu al’amuran wasanni har sai ta kammala gudanar da bincike a kansa.