Connect with us

Labaran Wasanni

Hukumar wasan motsa jiki ta duniya WA ta cire sunan Shehu Gusau daga shafinta

Published

on

Hukumar wasan guje-guje da tsalle-tsalle ta duniya WA, ta cire sunan Shehu Gusau daga shafinta na karfar Internet a matsayin shugaban hukumar wasan guje-guje da tsalle-tsalle ta Najeriya AFN.

Hukumar ta duniya ta dauki wannan matakin ne kwanaki kadan bayan kammala mabanbantan zabukan shugabancin hukumar AFN da ya rabu gida biyu kuma aka gudanar a ranar 14 ga watan Yuni inda Shehu Gusau da Tonobok Okowa kowanensu ke ikirarin zama zababben shugaban hukumar.

Haka zalika WA ta kuma goge sunan babban daraktan hukumar AFN Siminialayi Pepple daga shafin nata.

AFN ta kasance cikin rikici tun daga shekarar 2019 bayan da kwamitin gudanarwa da Gusau ke jagoranta ya bukaci ma’aikatar wasanni ta kasa ta baiwa hukumar damar cin gashin kai.

Hakan ne dai ya haifar da dakatar da Gusau tare da magoya bayansa daga shugabancin hukumar.

Click to comment

You must be logged in to post a comment Login

Leave a Reply

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Archives

Copyright © 2019. Freedom Radio Group. All Rights Reserved.

error: Content is protected !!