Ighalo, Chukwueze da Oshola za su gudanar da tattaki na gidauniyar Kanu

Dan wasan kungiyar kwallon kafa ta kasa Super Eagles, Samuel Chukwueze ya ce zaiyi tattaki da tsohon Dan wasan Najeriya Nwankwo Kanu a wani bangare na bikin ranar tunawa da masu ciwon Zuciya.

Chukwueze mai shekaru 22 dake wasa a kungiyar kwallon kafa ta Villarreal dake kasar Spain ya fitar da wani gajeran Bidiyo a shafukansa na sada zuminchi dake kiran al’ummar kasar nan kan su fito ayi tattakin da su domin nuna damu ga wadan da ke dauke da cutar.

Silas Nwanko ya zama gwarzon dan wasan NPFL na 2021

Ya ce tattakin da za’ai mai tsawon kilo mita 10 za’a gudanar da shi a ranar 29 ga watan da muke ciki na Satumba a birnin tarayya Abuja.

Haka zalika shima tsohon dan wasan kasar nan, da Manchester United, Odion Ighalo yabi sahun mutanan da za su yi tattakin inda yake kiran ‘yan wasan kungiyar kwallon kafar ta Najeriya Super Eagles da su shigo tattakin da Nwankwo Kanu zai Jagoranta.

Kazalika itama ‘yar wasan kungiyar kwallon kafar mata ta kasa Super Falcons, Azizat Oshoala ta ce za ta kasance cikin al’ummar da za su yi tattakin a ranar ta 29 ga watan na Satumba, domin nuna goyan baya da tunawa da masu dauke da ciwon na zuciya.