Ilimi ya samu tasgaro a Kano- Dakta Kabiru Sufi

Wani masanin kimiyyar siyasa a kwalejin share fagen shiga jami’a a Kano CAS, Dakta Kabiru Sufi Sa’id, ya ce harkar ilimi a jiar Kano ta samu koma baya musaman a matakin Firamare.

Dakta Kabiru Sufi Sa’id, ya bayyana hakan ne yayin zantawarsa da wakiliyar Freedom Radio Hafsat Abdullahi Danladi, da safiyar yau Juma’a.

Tattaunawar tasu dai, ta mayar da hankali ne kan kalubalen da matasa ke fuskanta a wannan lokaci.

Ya kuma ce, kamata ya yi gwamnati mai jiran gado ta yi duba na tsanaki kan harka ilimi da kuma samar wa da matasa ayyukan yi.

Haka kuma ya bayyana rashin samun ingantacce ilimi a matsayin abinda ke kara ta’azzara matsalolin kwacen wayoyin mutane da bata gari ke yi da kuma fashin daji da ake fuskanta har ma da garkuwa da mutane da aikata muggan laifuka.