INEC za ta fuskanci kalubale yayin zabe- Dr. Riya’u

Masanin harkokin siyasar nan na jami’ar Bayero ta Kano Dakta Riya’u Zubairu Maitama, ya ce akwai babban kalubale a gaban hukumar INEC na tabbatar da cewa an gudanar da sahihin zaɓen Gwamnoni da yan Majalisar Jiha yadda ya dace

Malamin ya bayyana hakan ne a tattaunawarsa da walikiyar Freedom Radio Hafsat Abdullahi Danladi ta wayar tarho.

Dakta Riya’u Maitama, ya ce, duba da irin matsalolin da aka samu game da na’urar BVAS a zaɓen Shugaban ƙasa da aka gudanar makwanni 2 da suka gabata, ya sanya al’ummar Nijeriya fara zargin hukumar INEC da ƙoƙarin yin ba daidai ba.