Iyaye su tabbatar da yin gwajin kwaya ga mai neman auren ’yar su – Buba Marwa

Shugaban hukumar yaki da sha da fataucin miyagun kwayoyi ta kasa Burgediya janar Buba Marwa mai ritaya, ya shawaci iyaye da su rika umartar duk wanda ya zo neman auren ‘yarsu da ya gabatar da takardar shaida da za ta nuna cewa ba ya ta’ammali da miyagun kwayoyi.

A cewar sa hakan zai taimaka gaya wajen rage matsalar shaye-shaye tsakanin matasa, ba ya ga taimakawa tattalin arzikin kasar nan.

Tsohon gwamnan mulkin soji na jihar Lagos din ya bayyana hakan ne yayin wani taro da ma’aikatar shari’a ta jihar Ekiti ta shirya a birnin Ado Ekiti.

Burgediya janar Buba Marwa mai ritaya ya kuma bayyana damuwarsa karara kan yadda ya ce al’ummar kasar nan ke ta’ammali da miyagun kwayoyi.