JAMB: An sake naɗa shugaban hukumar a karo na biyu

Shugaban Ƙasa Muhammadu Buhari ya sake naɗa Farfesa Ishaq Oloyede a matsayin shugaban hukumar shirya jarrabawar shiga manyan makarantun Ƙasar nan JAMB.

Wannan na cikin wata sanarwa da mai magana da yawun ma’aikar ilimi ta ƙasa Ben Bem Goong ya fitar.

A cewar sanarwar, nadin nasa a karo na biyu ya biyo bayan yabawa da ministan ilimi Adamu Adamu yayi da salon shugabancin sa, wanda hakan zai bashi damar sake shafe tsawon shekara biyar yana jagorantar hukumar JAMB a karo na biyu.

Labarai masu alaƙa:

Yanzu-yanzu- JAMB ta saki sakamakon jarrabawar UTME ta bana

Kazalika shugaba Buhari ya sake naɗa Farfesa Abubakar Rasheed a matsayin shugaban hukumar kula da jami’o’i na ƙasa, da Hamid Bobboyi a matsayin shugaban hukumar kula da ilimin bai ɗaya ta ƙasa da sauran naɗe-naɗe.