Jami’ar Yusuf Maitama Sule zata fara Post UTME

Jami’ar Yusuf Maitama Sule ta sanar da cewa za ta fara aikin rajistar sabbin daliban da za ta tantance domin ba su gurbin karatu wato Post UTME a ranar laraba mai zuwa 26 ga wannan wata na Agusta da muke ciki.

Za a kammala aikin tantancewar a ranar 7 ga watan Oktoba mai zuwa, wato bayan shafe tsawo makonni 6 ana aikin, domin fara shekarar karatu ta 2020 zuwa 2021.

Wata sanarwa mai dauke da sa hannun mai rikon mukamin magatakar jami’ar Malam Sulaiman Saleh, ta ce tuni aka fitar da adadin makin din da aka kayyade wa ko wane kwas da jami’ar take gudanarwa, kuma ta wallafa shi a shafinta na intanet www.nwu.edu.ng.

Sanarwar ta kara da cewa iya wadanda suke zabi jami’ar a matsayin gurbin farko wato first choice kadai za a baiwa damar yin rajistar domin shiga tantancewar.

AMA